Sa më shumë gra në vendimmarrje, aq më shumë demokraci
Artikujt tjerė
- Sa më shumë gra në vendimmarrje, aq më shumë demokraci
- Krasniqi takoi ambasadorin Wisner
- Inaugurohet Muzeu shtetëror i kristaleve në Stantërg
- Qeveria heq nenet 37, 38 e 39 të Kodit Penal, e riprocedon në Kuvend
- Reagojnë gazetarët: Cenim i rëndë i demokracisë dhe lirisë së mediave
- Jahjaga priti kreun e Misionit Faktmbledhës të BE-së
- Nedelkoviq: Serbët nuk e duan integrimin
- Hajredin Kuçi dha dorëheqje
- SBASHK-u dërgon në bregdetin shqiptar 255 mësimdhënës
- Policia rikujton: të shtënat në ahengje ndëshkohen
Prishtinë, 22 qershor - Grupi i Grave Deputete, në bashkëpunim me OSBE-në, ka filluar sot konferencën dyditore me temë: Fuqizim i gruas në vendimmarrje. Nikoqirja e konferencës, kryetarja e GGD-së, Teuta Sahatqija tha se tema që po trajtohet është me shumë interes, sepse sa më shumë përfshirje të grave që të ketë aq më shumë do të ketë demokraci në vend. “Ne jemi 40 deputete, në shkallën 33.33%, por nuk jemi të kënaqura me përfshirjen në organet udhëheqëse të Kuvendit dhe të institucioneve tjera. Kryesia e Kuvendit, ta zëmë, nuk ka asnjë grua, nga 13 komisione vetëm dy udhëhiqen nga gratë, dhe vetëm dy janë shefe të grupeve parlamentare. Prandaj, ne duhet të bëjmë akoma më shumë për gruan, sidomos në nivel lokal dhe në zona rurale”, tha Sahatqija.
Konferenca i vazhdon punimet në tri grupe, ku do të trajtohen tema specifike, si fuqizimi i gruas në vendimmarrje përmes partive politike, aspekti gjinor në hartimin e buxhetit dhe funksionimi i grupeve të grave në nivel lokal.
Në këtë konferencë po marrin pjesë edhe grupet e grave asambleiste, forumet e grave të partive politike, përfaqësues të organizatave ndërkombëtare e vendore, përfaqësuese nga shoqëria civile, zyrtare për barazinë gjinore etj.
