Kryeqyteti do të bëhet me muze të holokaustit të shqiptarëve

Artikujt tjerë

• Parlamentarët kërkojnë inventarizimin e dëshmive në Polici
• “Vetëvendosja” mashtroi KQZ-në
• Deputetët e dy blloqeve parlamentare luftojnë kundër taksës së çimentos
• Rektorit Rugova do t’i ndërpritet mandati pa shkarkim
• Thaçi largon Tahirin nga dialogu
• Fqinjët serbë e romë të dyshuar për vrasjen e shqiptarëve
• Hoxhiq: Zyra administrative ka karakter teknik
• Zbatimi i Ligjit për shëndetësinë, nga janari 2014
• Clinton i kërkon Nikoliqit një bisedë për Kosovën
• Një javë shtesë për riregjistrim të automjeteve të serbëve

Prishtinë, 21 qershor  - Kryetari i Prishtinës, Isa Mustafa ka deklaruar të enjten se Komuna e Prishtinës ka marrë iniciativën për krijimin e Muzeut Memorial në të cilin përmes dokumenteve, fotografive, video incizimeve, shkresave të ndryshme, do të argumentohej se çfarë ka ndodhur në fund të viteve të '90 ta këtu, tendencën që të bëhet shpërngulja/eksodi masiv i popullatës se Kosovës nga ana e forcave pushtuese serbe.

Këto deklarime kryetari Mustafa e bëri sot në Arkivin e Qytetit të Prishtinës, ku përuroi raftet e reja të arkivit që janë blerë me mjete të buxhetit komunal.

"Ne këto ditë do të marrim iniciativën në Kuvendin Komunal që në vitin e ardhshëm ta ndërtojmë një muze, i cili do të jetë muze memorial, që do të përfshinte të gjitha ngjarjet e fundit të eksodit të popullsisë së Kosovës. Këtë muze do ta ndërtojmë afër stacionit të trenit, vendit prej nga janë deportuar qytetarët tanë. Do të mundësojmë që përmes fotografive, teksteve, dokumenteve, video prezantimeve dhe përmes ligjëratave, që do të mbahen, t'i informojmë qytetarët e Prishtinës, Kosovës dhe ndërkombëtarët se çfarë ka ndodhur në fund të viteve të '90-ta këtu, me tendencën që të bëhet shpërngulja masive e popullatës se Kosovës dhe të organizohet eksodi i popullatës", theksoi Mustafa.

"Ne këtë duhet ta argumentojmë para qytetarëve, para familjeve që u ka ndodhur tragjedia me rastin e eksodeve, vrasjeve, torturave të ndryshme, por edhe para ndërkombëtarëve në mënyrë që të mbetet një histori e prezantuar në një muze të cilin ne do ta bëjmë me mjetet të Komunës së Prishtinës", u zotua kryetari Mustafa.

Ndërsa duke folur për investimet që Komuna e Prishtinës i ka bërë në Arkivin e Qytetit, kryetari Mustafa tha se është një investim që komuna e ka bërë në vlerë prej 108 mijë eurove, mirëpo konsiderohet se vlera e punës se bërë është shumë me e madhe se vlera që është investuar.

"Ne do ta sistemojmë tërë lëndën arkivore këtu dhe do t'u mundësojmë qytetarëve që ata ta shfrytëzojnë këtë lëndë në bazë të nevojave të tyre. Këto pajisje janë rafte lëvizëse në mënyrë që të mbrohet në tërësi dokumentacioni, të sistematizohet dhe të përdoret në mënyrë shumë të shpejtë", tha kryetari Mustafa.

Ndërkaq, drejtori i Arkivit të Qytetit, Abaz Makolli tha se pajisjet me të cilat është pajisur tash se fundi arkivi i qytetit janë ndër më modernet në rajon, dhe se me pajisje të tilla nuk disponon asnjë nga muzetë si motra në vendet e rajonit. Ai falënderoi komunën për investimin e 108 mijë eurove për blerjen e këtyre rafteve dhe tha se me këto me rafte edhe për 50 vitet e ardhshme është siguruar arkivimi i lëndëve arkivore.

 

Komente (4)Shpërndaje artikullin

• 22:33Serbët djegin flamurin e BE-së dhe të Kosovës
• 22:28Talibanët morën përgjegjësinë për sulmin vetëvrasës
• 22:25Rusia zbulon një sulm terrorist
• 22:20Sharif kërkon bisedime me talibanët
• 22:18Serbëve të veriut u intereson më shumë Vulini se Marrëveshja
• 22:16Edhe një seancë përkujtimore në Kuvend!
• 22:14Reali zyrtarizon largimin e Mourinhos
• 22:12Thaçi 1 kishte anuluar kontratën mes PTK-s dhe “Amdocs” –it izraelit
• 22:06Urdhëri i fundit i Sir Alex
• 22:03Presidenti malazez merr detyrën