Serbia synon shpërnguljen e shqiptarëve

Prishtinë, 2 qershor - Ministri i Punëve të Jashtme i Republikës së Kosovës, Enver Hoxhaj, në një intervistë dhënë revistës mujore “Shenja” ka thënë se Qeveria e Kosovës është duke e vëzhguar dhe analizuar situatën pas zgjedhjeve në Serbi.

Duke komentuar zgjedhjen e Nikoliqit për president të Serbisë, Hoxhaj ka theksuar se ai bartë edhe një përgjegjësi shumë të madhe, që do të jetë përcaktues për rrugën që do të ndjek Serbia në të ardhmen, se a do të jetë kjo një rrugë evropiane apo një rrugë anti-evropiane.

Duke i komentuar zhvillimet e fundit në tri komunat e veriut të Kosovës, ministri Hoxhaj ka thënë se rreziku i ndarjes së Kosovës ka përfunduar me 25 korrik, me intervenimin e policisë së Kosovës në veri.

Ai ka shtuar se çdo përpjeke për të ndryshuar kufijtë, do të vente në pikëpyetje gjithë arkitekturën e sigurisë në rajon.

Ministri Hoxhaj ka komentuar edhe zhvillimet politike dhe situatën e sigurisë në rajon. Duke iu përgjigjur pyetjes së gazetarit nëse situata në veri të Kosovës ndërlidhet me atë në Luginën e Preshevës, ministri Hoxhaj ka theksuar se ka një ndërlidhje mes tyre nëse kuptohet natyra e politikës së Beogradit ndaj komunave në Luginë të Preshevës dhe komunave në veri të Kosovës.

“Së pari në tri komunat e veriut të Kosovës, strukturat ilegale, grupe kriminale, grupe paramilitare të sigurisë serbe janë mbetja e fundit, trashëgimi e drejtpërdrejt e regjimit të Millosheviqit. Ju e dini që struktura të tilla ka pasur edhe gjatë viteve të 90-ta në Kroaci dhe në Bosnjë. Nga ana tjetër, në Luginën e Preshevës format e ndryshme të diskriminimit politik, ekonomik, social dhe kulturor janë një vazhdimësi e politikës së Millosheviqit ndaj shqiptarëve. Kjo politikë e krijimit të frikës dhe të pasigurisë ka për qëllim përfundimtar shpërnguljen sistematike të shqiptarëve nga ajo zonë historikisht shqiptare”, ka thënë Hoxhaj.

Komente (8)Shpërndaje artikullin

• 13:09Asnjë kolegj s’bëhet universitet
• 12:56Ligji i ri i bën me status të ri punëtorët shëndetësorë
• 12:55Vetëvrasja në katedralen Notre Damme trondit Parisin
• 12:53Bon Jovi: Justin Bieber është idiot
• 12:17Thaçi hoxhallarëve: Do t’ju porosis nga një kryq
• 12:16Kosovarët shpenzojnë në Shqipëri 200 milionë euro
• 12:14Sherr mes dy familjeve shqiptare në Britani, një i vrarë
• 12:08Parlamentarë nga Maqedonia për vizitë dyditëshe në Kosovë
• 12:01Lugina përkujton Komandant Lleshin
• 11:45Ka rifilluar dialogu në Bruksel